George Floyd adalah ngaran lalakian Aprika-Amirika nang habis umur wayah 25 Mai 2020, imbah saikung pulisi Minneapolis bakulit putih Derek Chauvin manjajak lawan lintuhut di gulu Floyd salawas paling kada pitu manit, wayah inya tarabah tatingharap di kartak. [1][2][3] Patugas Thomas Lane wan J. Alexander Kueng jua manggani'i manahani Floyd, samantara patugas Tou Thao badiri di paraknya sambil mancanganginya.
Kajadian ngini tajadi wayah panangkapan Floyd di Powderhorn, Minneapolis, Minnesota, wan dirakam lawan punsil ulih babarapa urang nang malihatnya.[4] Rakaman pidiu ngitu manampaiakan Floyd barapa kalian manyambat: "Aku kada kawa bahinak" (basa Inggris: I can't breath), wan disabarluasakan lawan midia susial wan disiarakan ulih midia.[4] Kaampat patugas nang taumpat diampihi kaisukan harinya.[5]
Dimunstrasi wan parutis tarhadap pambunuhan Floyd pacah jua ujungnya. Mulanya balangsung damai tagal baubah jadi "liwar babahaya," tajadinya pamacahan lalungkang kantur pulisi, sabuting tuku AutoZone tabakar, wan tuku-tuku dijarah wan rusak di dairah intangannya. Bubuhan aparat mananggapinya lawan manimbakakan gas banyu mata aan manimbakakan piluru karit ka garumbungan.[6][7] Kamatian Floyd dibanding-bandingakan lawan kamatian Eric Garner, saikung lalakian kulit hirang kada basanjata nang bakuciak "Aku kada kawa bahinak" wayah rahatan dicakik ulih patugas nang manangkap.[8]
Floyd, 46, died after a white Minneapolis police officer, Derek Chauvin, kneeled on his neck for at least seven minutes while handcuffing him.